lamha..

mukkadar main hota hain khawaon ka milna.
kudrat main hota hain bhaharon ka khilna..
tadap ishq ki aankh nhi bhigoti hain..
fitrat sa hota hain jab dil ka bharna..

ajab si lagti hain ye duniya hame..
shikayat main hota hain hamra milna..
kasak ishq ki neend nhi udati hain..
kayamat sa hota hain jab aankh ka lagna..

bandishe bepanhaan lga deta hain jahan..
ibadat main jab hota hain khuda ka banda..
mahak ishq ki sama nhi mehkati hain..
karamat sa hota hain jab har ek lamha..

baaki..

Jhuki aankhon main, shikayat abhi baaki hain..
rookhe sawalon main, najakat abhi baaki hain..
yu to lagta hain ki, maut aa jaye bas ab..
lekin fir bhi jeene ki, chahat abhi baaki hain..

Daur nashe ka, chala hain duniya main..
ki hosh se mulakat, abhi baaki hain..
khamosh reh kar, keh gaye bahut, fir bhi..
lagta hain ek aur baat, abhi baaki hain..

Shokhiyon aur sharam se, doob gya mera jahan..
fir bhi unki, ek shararat abhi baaki hain..
yu to likh di, har jazbaat par nazm pallav..
par ishq ki, ibaraat abhi baaki hain..