aaj bas main hoon

aaj na sikwa koi..na koi sikayat baaki hain
aaj na pyaar kisi se.. na kisi se naarajigi hain
aaj na dar kisi ka... na kisi ki chaaplushi hain..
aaj to bas main hoon aur meri kahmoshi hain

aaj na hosh koi.. na koi madhoshi hian
aaj na dosh tera.. na meri galti hain..
aaj na sanjog koi.. na koi badnasibi hian..
aaj t bas main hoon aur meri kamoshi hain

aaj na gum koi.. na koi khushi hain..
aaj na yaad koi.. na koi mustaqbilishi hain
aaj na duniya anjaani.. na  pehchaani si hain..
aaj to bas main hoon aur meri khamoshi hain..

aaj na dosti kisi se.. na koi dushmani hain..
aaj na sarafat baak..i na baaki aawargi hain..
aaj na chinta kisi ki. .na baaki befikri hain
aaj to bas mian hoon aur meri khamoshi hain..

Tera Naam

tere naam se nafrat hain mujhe..
tera naam mujhe tadpata hain...
ho jata hoon gumnaam main ...
tera naam jab jab aata hian...

tere naam se dil jalta hain mera....
tera naam mujhe sataata hain..
ho jata hoon badnaam main...
tera naam jab jab aata hain...

tere naam se lagta hain dar..
tera naam mujhe rulaata hain..
ho jata hoon benaam main..
tera naam jab jab aata hain...

tere naam se nafrat kyu hain mujhe..
tera naam mujhe kyu tadpata hain...
kho jata hoon tere naam main..
tera naam jab mere sath aata hain..

Nadaan hain mera Dil..

Photo Courtesy : Ton Abraham Photography
All rights reserved to actual owner

Subah ye sard hain fir bhi mera dil man jal rha hain...
kaisa hain ye suroor jo asar kar rha hain..
kefiyat ya shararat jo bhi samjh lo tum isse...
nadaan hain mera dil nadani kar rha hain...

kal shaam ek chera dekha tha meri aakhon ne..
kaisa hain ye ehsaas ki ab tak uska aqsk dikh rha hain...
tabiyat ya fitrat jo bhi samjh lo tum isse..
nadaan hain mera dil naadani kar rha hain...

vese to raste yaad rehte nhi aajkal mujhe...
kaisa hain ye rasta jis par khud se chal rha hain..
shikayat ya muhabbat jo bhi samjh lo tum isse...
nadaan hain mera dil naadani kar rha hain...

kuch roj se maine ki nhi hain maikashi...
kaisa hain fir ye nasha jo mujh par chad rha hain...
ibaadat ya najaakat jo bhi samjh lo tum isse...
ki nadaan  hain mera dil naadani kar rha hain...

tere vaaste..

Photo Courtesy : Ton Abraham Photography
All rights reserved to actual owner

kaaphi tej, chal rahe hain... ab ye mere raaste...

fir bhi, yahien ruka hoon...main tere vaaste...

manjile badal gayi hain......badle mere raaste....

fir bhi yahin ruka hoon...main tere vaaste..

kaaphi tej chal rahi hain...ab ye meri saanse

fir bhi, yahien basi hain...sirf teri yadien....

sapne badal gaye hain...badle mere khawishe..

fir bhi yahin ruka hoon...main tere vaaste..

kahin door chale gaye hain...ab ye mere aaasre..

fir bhi yahin mili hain..meri sabhi umeedain...

baatein badal gye hain..badle mere ishaare..

fir bhi yahin ruka hoon...main tere vaaste..

kahin door, chal pade the...jab hum sath main...

fir bhi juda hue kyu..hamare raaste...

bahare badl gyi hain..badle mausam saare..

fir bhi, yahin ruka hoon...main tere vaaste..

fir mera hua...

aasma fir mera hua, neela neela sa...

raasta jab mera hua, geela geela sa...

sitaron ke sath, aaj aayi fir raat...

ki chaand fir chamka,dheema dheema sa..

jahan fir mera hua, apna apna sa..

sach jab mera hua, sapna sapna sa..

diwaaron ke paar, aaj hui fir baat...

ki dhund jab chataa,halka halka sa...

saleeka fir mera hua juda juda sa..

bayan jab mera hua, sadka sadka sa...

isharoon ke sath,aaj hui fir baat..

ki jikr kuch aaya,sehma sehma sa..

purana kuch mera hua, naya naya sa...

yaraana jab mera hua, jawaan jawaan sa..

kiwaaron ke paar,aaj hui fir dastak..

ki yaad koi aaya, bhoola bhoola sa...